Man muss a spuin ...
Interview mit Maximilian Brückner - 1. Teil

weiter zu Seite 2 >

 

Evi: Wie geht's denn jetzt dem Knie, isses wieder fit?

Max: Des Knie - i bin jetz in Reha, und da is bissel anstrengend, jetz während der Proben die Reha mitz'macha und die Krank'ngymnastik dazwisch'n no, aber des haut scho hi'...

Evi: Dann wünsch ich gutes Gelingen! I hob sowos vor a paar Jahr a scho moi ghabt, i konn's oiso nachfühlen.

Max: Also, des paßt scho, i bemüh' mi, und - glaub' i - am 28. Februar spui' i ja wieda...

Evi: ...29ten...

Max: ...29ten..Da tu i a Schiene dazu das nix passiert und spui a bissel ruhiger das des geht und da haut des schon hi'.

Evi: Also wenn ich mich an den Wiesn-Brandner erinner, der war sehr ruhig, faktisch statisch.

[Anmerkung: Hätte es nicht vor der Vorstellung eine Durchsage den Bänderabriss betreffend gegeben, wäre es kaum aufgefallen, weil der Max beinahe wie immer auf der Bühne umanderghupft ist.]
Max: Ja i woiß scho, i kann da nicht aus meiner ... i bin da a sehr konsequenter Schauspieler und spui dann nur des Nötigste.

Evi: Ja, genau, des is uns aufg'falln! Gut, also jetzt kommen die Fragen, des war jetzt des was ich auf dem Herzn g'habt hab.

Frage: Was muß eine Rolle, ein Projekt haben, damit du sie spielen möchtest oder des Projekt mach'n mechst?

Max: Mei des kimmt jetzt immer auf des Drehbuch natürlich an, wie guat des is, also des is scho sehr sehr entscheidend. Also wenn man des des erste Mal in d' Hand kriegt, und die Rolle, die muß ein'm net lieg'n, um des gehts gar net, aber ob einen die Rolle in dem Drehbuch interessiert, und, ja, wer Regie macht.

Es gibt dann mehrere Faktoren, die da einfach zusammenspuin, und da freust dich hoit immer, wennst a Anfrage kriegst, grundsätzlich amoal, des is' scho kloar - des is immer a scheens G'fuihl, sag' ma' mal so.

Aber i kannt des jetzt net an irgendwas festmach'n, des is einfach, ... was i hoit gern mach, san hoit verschied'ne Sachn z'machn, immer was anders.

Evi: Ja sicher, was ma' ja schonmal g'macht hat, is ja irgendwie fad.

Max: Ja, genau.

Evi: Ja gut, es gibt solche, die bleibn bei einer Rolle und spuin die für den Rest ihres Lebens ...

Max: Ja, des is ja a okay, manche kenn'n des perfektionieren und so guat kann man des gar net spuin wie des manche spuin, also... na des is ... i moag halt einfach gern Abwechslung.

Evi: Ja, des is sehr schön des freut auch den Zuschauer, des muaß ma' jetzt schon mal sag'n.
Max: Des is schee, danke.

Evi: Des is zwar der Nachteil weil man dich irgendwie prinzipiell nicht kennt, weil man sagt: „Wos, des hat er a' gspuit? Des isser a'?“ „Ja, des isser a'!“

Max: Des is des größte Kompliment woas ma überhaupt hern kann, also des geht jetzt runta wie Öl, weil, des is genau nach dem ma strebt, also i jednfalls zumindest.

Evi: Ja, des merkt ma auch. Aber des merk i halt a, dass wenn die Leit bei mir auf der Website rumschaungn und dann „... Woas? Des hat 'r ois g'macht?“ „Ja.“ „Wow!“
Max: I moag halt die äußerliche Veränderung sehr gern, also auf die darf ma si net draufsitzn, aber i find' des helft total, und des is einfach aa a wichtigr Punkt der manchmoi zuwenig in Vordergrund tritt ... und man muß a spuin, es darf net nur a Maschkera sei'.

Evi: Ja scho, dafür hamma den Fasching.

Max: Genau.

 

Man muss a spuin ...
Interview mit Maximilian Brückner - 2. Teil - über den Rollen-Charakter

Evi: Wann fangt bei Dir ein Charakter an zum Leben, is des dann wenns des Drehbuch kommt, oder erst wenn die Kostüme kumma oder erscht am Set oder bei die Prob'n, oder glei...

Max: Beim Les'n manchmal scho', also da fangt des oa. Des is ja einfach so, des liegt an em guat'n Drehbuch, wenn du des liest, dann entstehn glei' Bilder, und so und so und so, und manchmal, in em völlig unangebracht'n Moment kommt dann a Idee:  Ah, des kennt i macha.

Also, i hab manchmal so Ausfälle, das i dann irgendwas vor mich hin murmel, was, überhaupt net grad in der Diskussion oder im Gespräch stattg'fundn hat, manchmal kemma mir so Sachn und dann denk i: „Ah,des kennt i hernemma, oder des warat gut.“

Aber es gibt da überhaupt kei Rezept dafür, also bei mir überhaupt's net und i glaub' für Schauspieler gibt's grundsätzlich kein Rezept. Jeder macht des anders, und es is ja guat das es keins gibt, weil man muaß dann jedsmal von vorn ofanga.

Also schlimm wars, wenn ma sogt: Schublade auf, jetz mach i des, und dann ...für die Rolle mach i de Schubladn auf. Sondern jedsmal fangst halt wieda von vorn o, und du hast halt immer wieder die Möglichkeit, das'd hoit auf die Schnauze fällst aber da bleibt ma dann wenigstens am Ball.

Evi: Ja scho, also es is net bei jeder Rolle desselbe sondern des kimmt imma drauf oo, also moal is des eine moi  is des ander, also es gibt aa für di koi Regel wie...

Max: ...Na, na, überhaupts net...
Evi: ...wie der Charakter kimmt?

Max: Na!, Also, i bin aa ganz froh, i muß halt jeds mal wieda überlegn und da foalt ma do was ei, und hia was ei, aber es gibt kei Rezept dafia.

Evi: Okay, naja, wär ja schad wenns des gabat. Aber oifacha hoit, gei?

Max: Ja. Aber dann wars schnell langweilig.
Evi: Ja, stimmt, des kann i mia a vorstelln.

Frage: Wie bereitest du dich jetzt eigentlich dann auf den Charakter oder die Rolle vor? Wennst des g'sagt hast, okay, des mach ma jetza.

Max: Jo, mei, keine Ahnung, i lern den Text. (lacht)

Evi: A ja, doch? (lacht auch)

Max: Des is scho amal des erste... Na, es gibt ja meist', also es kimmt ja drauf oo, was ma für a Rolle hot, wenn ma a kleanare hod, und dann kann ma si da schon mal reinfühln, manchmal kriegt man ja d' Rolln gleich angebotn, und manchmal gibt's a Casting.

I mog Castings wahnsinnig gern, also, vui Kollegn findn des net so ... aber i find des eigntlich ganz schee, weil, da kann ma olls so rumprobiern und da kann ma a schaugn ob der Regisseur mit mir kann und ob i mit eahm kann und ob die Chemie stimmt und ob der mit dem wos i eahm da darbiete wos anfangn kann und man merkt a, da kimmts gar net zamm, des is für beide Seitn eigntlich ganz guat zum Austestn.

Und wenn ma a größere Rolle hat, dann hot man natürlich viel Castings, weil zu der Rolle dann viel dazu gecastet werd' und wo dann ja die weibliche Person, wenn da eine kimmt, die muß dazugecastet wer'n und a guater Freund und da mocht man die Szenen sehr sehr häufig und dann is ma eigntlich scho a bisserl drin und manchmal hat man a den Riesenluxus, dass man dann eine Woche vor Drehbeginn amoal Probn hat und des macht dann aa sehr viel Spaß.
Evi: Na, des kann i mia vorstein.
Max: Ja, net imma, manchmal is aa zach, so wia des halt is'.

 
   

 

Man muss a spuin ...
Interview mit Maximilian Brückner - 3. Teil - über das Theater-Spielen

Evi: Ja guat, beim Theater is dann doch a bisse anders mit die Probn, zumindest.
Max: Ja, da is man nur im Probnding, da muß ma dann schaun, dass man den ganzn Wulst hinkriegt, da kann ma halt net... also letztendlich, wenns dann auf der Bühne is oder auf der Premiere is, dann muaß ma's halt durchziehn, auch wenn mal die eine oder andere Szene ned so auf'm Punkt war wie man gern g'macht hätt.
Evi: Ja, was kommt jetzt... Wie bist jetzt dazu komma, dass di jetzt tatsächlich professionell zur Regie bewegst?

Max: Ja, mei zur Regie, i derfs jetz mal ausprobiern, sozusagn, es kann a sei, dass a ganz schnell wieda vorbei is, des segn ma jetz nachher, aber mi hots hoalt einfach total g'juckt ehrlich gsogt, und mir machts a wahnsinning Spaß, die Probnarbeitn machn Spaß, mir falln a Sachn ei, i mach a no gnügnd Fehler, des merk i aa, und da feit mia manchmal einfach a bissel die Erfahrung aber so grundsätzlich.

Bisher is no kei Schauspiela abgsprunga, von dem her, des weard scho was weahrn, irgendwas, irgendwas wirds auf alle Fälle (lacht).

Evi: Wie is jetzt da dein Verhältnis zu die andern Schauspiela, vorher hast mit dene ja nua gmeinsam gspuit und jetza scheuchst es du ja durch die Gegend? Hot si' da was g'ändeat?
Max: Also, ja i hoab mi erst ma g'wohna miaßn, das i jetzt net jed'm zoig was a machn muaß oder imma des Gfui hoab i muaß, sondern dass i mi aa amoal hihocka kann und sagn: „Guat, machmas einfach nummal.“ Und einfach aa die Ideen, des is ja auch des Tolle eigentlich, dass von so viele Schauspieler vui Ideen kemma und des kannst dann zammwurschtln und du hast selba so dei Richtung wo'st hi mechats ungefähr und dann no, was halt echt fasziniernd is, du machst a Leseprobe, und dann liest ma's und spricht und hin und her, und dann macht mas, und dann wiad die Szene ganz anders wie ma oalle zamm g'moint hamm, und no bessa, auf des is aba keiner kimma. Und des is des Tolle, das eigntlich ois möglich is.
Evi: Ja, des is ja des Scheene am Theater das nix statisch is.

Max: Ja, des hat nicht nur mit Statik zum dua sondern das ma moint, beim Lesn, ja theoretisch, des haut hi, und dann spuit mas und auf oimal is innerer ganz andern Richtung, wo vorher gar koiner gsehgn hot, und des is ja no vui bessa. Und du merkst halt oft, theoretisch geht vui, praktisch merkst dann, des haut dann doch net hi und dann muaßt des anders macha, also des is total interessant und i bin scho die ganze Zeit am rotiern.

Also, i hab halt no ned die Gelassnheit, dos i sog, des kann i jetzt mal ruhn lassn sondern i bin natürlich beim erstn Mal, und des is total Anspannung, aber so, mir machts unglaublich vui Spaß und i merk, bis jetzt funktionierts ganz gut, aber natürlich muß ma wartn bis nauskimmt ob des dann andere Leit au so segn, die Probn san anstrengend aber es nimmt a Form an, glaub i. Bis jetzt hot no keina gsagt, was du da denkst, des haut ois net hi, also bis jetzt kemma scho irgendwo hie. ...

Evi: Du bist ja a scho amoal auf der Bühne gestandn und host a paar Regisseure hinter dich gebracht.
Max: Ja, ja, des stimmt scho, aba des is trotzdem nochamoal a ganz a andere Erfahrung. Man lernt sehr viel üba si' selber und aa über des Theaterspuin an sich und... ja, es is so, die ganzen Eindrücke, die ich jetzt erst amaol sortiern muß. Trotzdem muaßt irgendwie führn, du mußt sagn, okay, jetzt mach mas in die Richtung, a wennst grad net woißt, wo die ganze Sach hingehn soll. Da muß ma sich einfach aa in Geduld übn, und sogn, ja, jetzt fangt ma da oo, und dann gehts scho wieda, dann gehts scho wieda weida.
   

Man muss a spuin ...
Interview mit Maximilian Brückner - 4. Teil - zur aktuellen Regiearbeit bei "Magdalena"

Evi: Wie bist jetzt du eigentlich grad auf die „Magdalena“ vom Thoma kemma? Ludwig Thoma is ja jetzt grad nimmer so der aktuelle Stückeverbreiter.

Max: Naja, i hab des Stück schon amal in Riedering inszeniert, mit Laien, aber ganz eins zu eins, also a wirklich mit den Kostümen von damals und woas mi a irgendwie an dem Stück interessiert hat war einfach, i finds immer noch aktuell und ohne mich zu loben, meine ich zu glauben, das es sehr heutig wirkt. Und überhaupt net veraltet, a wenn'd Texte und a die Sprache sehr hölzern erst mal wirkt, aber i hab net's Gfuihl, das ma da irgend a Gschicht von vorgestern verzähln.

Und die Mechanismen, wenn jemand anders is, die san ja immer no gleich. In welcher Form auch immer, ob des Religion, ob des Hautfarbe oder der Lebensplan ein anderer is, den a anderer einfach ziehgt, oder einfach an Fehler gmacht hod und d' Gsellschaft funktioniert ja nach den immer gleichen Mechanismen.

Evi: Ja des san imma no Menschen, und die lernen net so leicht.
Max: Na, da hat si jetzt no net so viel g'ändert. I moag des Stück total, ja, es is schwierig manchmal, aber ...
Evi: Also, i hobs glesn. Aba - bleibts ihr bei der ganz gleichn Sprach' oder ziegst ihr die jetzt a bisse mehr ins Moderne, weil die meisten Leit werns wahrscheinlich nimmer verstehn?
Max: Na ja, des Lustige is, irgendwie, wenn des klar gedacht is und wenn des in der Situation stimmt, dann wirkt die Sprache gar nimmer so hölzern als wenn mans jetzt so liest. Manche Sachn hamma a bissel verändert weil es gibt wirklich Wörter die gibts gar nimmer...
Evi: Ja ebn, des hab i mir denkt, manches hoab i mir laut vorglesn und hab mir denkt: Was zefix is jetzt des?
Max: Ja ja, aber des san so Sachn die z'erscht die Leit gruseln, "da ko ma sei Ehrbarkeit an d’Sunn außa hänga", des sind Sätz die i verdammt gern mag und die lass ma aa drin, und i hab a g'merkt, die meegn die Schauspieler sehr gern.
Evi: Ja scho, der Bayer verstehts scho, des is ja no net ganz verlorn ganga, bloß benutzn duats halt bei uns koiner mehr.
Max: Ja, aber die Bilder entstehn und ma versteht a ganz g'nau wos higeht, also da hob i net die Angst und des is a bairisch's Stück und mir gehn mit der Sprache auf alle Fälle um. Manchmal hat sichs a bissel verändert, aus da Situation raus, aber grundsätzlich san ma relativ nah am Thoma.
Evi: Und wieso hast du jetzt eigentlich genau deinen Bruder Florian für die Haupt- und Titelrolle gnomma?
Max: Naja, i hab ma einfa überlegt, heitzutoag, also wenn von am Ehepaar des Kind ins Dorf geht und des is a Mädel und prostituiert si oder weis mit Leit gschlaffa hod, des is heit, wo i als Zuschauer denk, na ja, also mein Gott...
Evi: Ja, des is nimmer so aufregnd.

Max: Im 18./19. Jahrhundert war des a Katastrophe, aba jetzt is des ja aa nimma so und i hob ma denkt, wenn des a Bua is der da einiganga is, und des hat nix mit Homosexualität oder Travestie zum tua, sondern einfach, der Bua hat Geld g'braucht, und na hat er g'merkt, ah, des funktioniert ganz gut, wenn i jetzt a Weibergwand oziag und aus der Not, und i hab nix anders macha kenna und des war einfach des einfachste zu verdiena.

Als Vater, wie ma mit sowas umgeht, da san ma heit immer no net sehr weit ... Und i hoab ma denkt, wenn i jetzt Zuschauer war, da stellt si die Frage viel stärker, wie tat i jetzt damit umgeh und des Tolle is ja an dem Stück was i so gern mog, es nimmt ja koina des Messa in d' Hand, also der Druck, der wird erzeugt, aba der oinzige der dann des Messa in d' Hand nimmt, des is der Vatta am Schluß.

Also die dreibn den so in d' Eng, des is so psychologisch... dass des schaffn, dass a sein eignen Buam dersticht. Und i hob die Idee, des einfach zu verschärfn, die Situation und wieda irgendwo ins Heit z' bringa.
Evi: Des derfet heit wahrscheinlich no net amoal so abwegig sei...
Max: I sag aa, einfach die Situation: Der Vatta - und der Bua werd in Fraunkleidern heimgschickt und steht da vor aahm... I glaub da kanntn vui net umgehn damit.
Evi: Ja, i glaub da braucht ma net amal des Dorf, da glangt aa des Stadtviertel.
Max: Ja, genau.
Evi: Wia schaugts aus mit Filmregie oder Drehbuchschreiben. Gibts da Ambitionen?
Max (lacht): Ehrlich gsagt, des san so Sachn wo i mea überhaupt keine Gedanken gemacht hob. Weil erstns, des Drehbuchschreibn kann i sowieso net, also i bin kein guata Schreiba. Da hob i ned des Gfuihl, das i des guat kannt.... ehrlich g'sagt ...Theater hat mi jetzt total interessiert, und jetzt mach i des und da schaug ma mal erst ob i des irgendwie hi'krieg oda ob ma da Stückl den Kopf oabareißt und dann koa i ma so was mal überlegn, aba des san jetzt koine Sachn über die i mia jetzt Gedankn mach.
Evi: Ja, des hoab i mia jetzt scho fast gedacht, aba kannt ja sei, na?
Max: (lacht)
Evi: Wie is des, hast du des dann vor di in am zukünftigen Regieprojekt selba hineinzu inszeniern, also spuin und regieführn?
Max: Naa, na, des war jetz' noamoal a doppelts Ding, naa, na! Also, na, na. na.